Rede Nasa

Ano 1993, a NASA xa existía antes de inventarse o Xacobeo, e de momento xa conseguiu sobrevivir a catro destas celebracións que se permitiron o luxo de prescindir dunha boa parte da cultura galega. Pois foi naquel ano cando nos visitou esta cantante mexicana que chegou á NASA sen saber moi ben onde se metía, e que rematou abraiada da acollida tan calurosa que lle dedicou unha sala totalmente chea. Un concerto memorable, no que todo o público acabou cantando con Paquita.