Rede Nasa

Este é un vídeo gravado en 1997 cando se estaba facendo a segunda reforma da Nasa, como mostra do enorme traballo que levou facer daquel taller de coches (Talleres Iglesias) o que hoxe é un espazo cultural de referencia. Por aí andan os Chévere (John, Miguel, Xron) traballando de peóns, xunto a algúns tripulantes (Cristina, Xavier). E, por suposto, aí está a cuadrilla de albaneis de Lira e Pepe Guitián rematando os andamios feitos á medida da Nasa. Foron seis meses de botar masa, facer moitos números, pensar en solucións máis baratas, gañarse a vida por aí fóra e falar todo o tempo con arquitectos, contratistas e mesmo políticos. Que tempos!